سلسلة تنظيم الوقت ✌🏻🔥
كثير بنسمع كلمة تنظيم الوقت ، وكثير ناس حاول ينظّم وقته وفي منّا ناس قدر وفي ناس حاولت وما قدرت تلتزم ، وكثير بمرّ معنا انهبنكون حاطين ننجز مهام كثير وبنيجي لآخر اليوم واحنا يا دوب خلصنا شغلة وحدة او ثنتين ف ايش الأسباب وكيف ممكن أنظموقتي وألتزم فيه
رح احكي افصّل فيها كل هالاشياء✊🏻🙃
اول اشي رح احكي عنه وهاي اكثر نقطة مهمة واذا قدرت تضبطها وفرت عليك كثيييير وقت ، ايش هاي النقطة ؟
ضبط المدخلات وتأثيرها:
بأختصار شديد من اسمها مدخلات ، ف هي كل اشي بدخل دماغي سواء (دراسة ، كلمات جديدة ، اسماء اشخاص جدد، صور ،مقاطع فيديو ، مشاهد من أفلام ، بوستات ، كلامي هاض ) ، طيب لما أعرف هالأشي ايش بستفيد منه ؟
الفكرة إنه كل ما قللت من مدخلات
رح يزيد التزكيز ع مدخلات ثانية
عندك فكرة الساعة بالفيس كم بتدخل مدخل ع دماغك ؟ انت بتحكي عن عدد يتجاوز الألف بأضعاف
هاض الشيء يعود عليك بالتشتيت وقله التركيز وحتى لو تركيزك كويس إنجازك وتركيزك رح يزيد أكثر أذا قللت من هاي المدخلاتوساعات دراستك رح تقل بحكم إنجازك السريع
فنصيحتي اول اشي بتعمله بتترك التلفون لأنه المشتت رقم ١ بحياتنا
ثاني اشي بتخفف من كل اشي مش مفيد
وهون بخطر ببالي حديث سيدنا محمد صلى الله عليه وسلم: "مِنْ حُسْنِ إسْلاَمِ الْمَرءِ تَرْكُهُ مَا لاَ يَعْنِيهِ"
بناء الدعائم (أقل القليل) :
من الأخطاء اللي بنوقع فيها
،انه بنخلي الدراسة هي العنصر الأساسي في تنظيم الوقت ، بحيث لو راحت الدراسة كل يومي خرب
إنه تثبت عناصر ثابتة مستحيل تتغير ولا تتبدل سواء سافرت ،رحت ،اجيت ،تغير عليك الجو ،صرت تدرس بمكان غير اللي متعودتدرس فيه تضل هاي الأشياء ثابتة وبناءً عليها ترتيب يومك وتدخل دراستك ضمن هاي الأساسات
الموضوع بشبه الأساسات والأعمدة اللي برتكز عليها البناء والطوب هو عبارة عن دراستك والشغلات اللي حاب تعملها سواء هواية اومهارة الخ...
أقل القليل = ورد قرآن + اذكار صباح ومساء +بتقدر تزيد واذا ما قدرت التزم بهضول الشغلتين
(وتذكر : ما زاحم القرآن شيئاً إلا باركه
الترويح
اذا بتلاحظوا بلشت بالترويح والراحة قبل ما أحكي عن تحديد الهدف وتنظيم الوقت والإلتزام
، لأنه كلنا بنركز عهاي الاشياء وبننسا حق أنفسنا عشان هيك قبل ما نيجي للهدف وتحديدة ، لازم نعرف إنه لازم يكون في وقت راحة"ترويح عن النفس "، النفس البشرية بطبيعتها جموح وكثير بتتلفت فأنا لازم يكون في وقت راحة إلي بحيث إنه يعطيني طاقة أقدرأكمل فيها بدون ملل
ف أول اشي لازم أعرفة أثناء تحديد الهدف انه مش كل يومي مبني عهاض الهدف على سبيل المثال هدفنا الدراسة لازم أعرف إنهمش كل يومي لازم يكون دراسة ، لازم يكون في حد معين للدراسة بعده رح أقدر أعمل اشياء ثانية بحياتي ، اقعد مع أهلي ، أعملرياضة ، الخ
.
طيب إيش بفيديني هالأشي ؟!
ببساطة بس نيجي لنقطة تحديد الهدف وخصوصاً أول نقطة رح نحكي إنه تحدد اشي معين تعمله ببساطة يعني تدرس كمية محددةبعد هاي الكمية انت هيك بتكون أنجزت اللي عليك وصار وقت تعمل اشي بتحبه
، طبعاً كثير منكوا حيشوف إنه هاض الكلام ما إله اهميه واحنا مقبلين ع فتره امتحانات وزارة مش وقته الكلام الفاضي هاض!! بسفعليّاً هاض الأشي لا يقل أهمية عن الدراسة نفسها ، ببساطة هدفي إني أضبط نفسيتي وما اتوتر كل ما قربت الأمتحانات وهاضالأشي بقل كل ما حسيت حالي بنجز وكل ما كان عندي نشاط غير الدراسة بفرغ فيه ضغط الدراسة
عشان هيك لازم أحدد كمية معينة من الدراسة بحيث تسمحلي أمارس أقل القليل من الأشي اللي انا بحبه وأوفرلي لو ساعة باليوملهالأشي ، وصدقني هاي الساعة رح تساعدك إنه تركز بالساعات الباقية ، ولا تتوهم إنه اذا درست فيها رح تنجز أكثر بالمواد
.
طيب نيجي للراحة ، ايش هيه النشاطات اللي ممكن أعملها بالراحة ؟
اي اشي ما اله اثر سلبي ع الهدف اللي انا حاطة ، يعني على سبيل المثال كثير مننا بوقت الراحة بين الدراسة بفتح الفيس بس معذلك بس يسكره بلاقي ما اله نفس يكمل وحاس انه ما اخذ راحه او وقت كافي بالرغم انه ممكن يكون فتح الفيس ساعة
! طب ليش هيك؟ ببساطة بنرجع لموضوع المدخلات انت بفتره الراحة دخلت ع دماغك مدخلات وانت اثناء الدراسة كنت برضو بتدخلمدخلات وطبيعة المدخلات مختلفه وهاض الاشي رح يشتتك وغير عن هيك انت فعلياً ما ريحت دماغك بس إنك نقلته من نشاط لنشاطآخر
، عشان هيك قبل ما تعمل جدولك اعمل قائمة بالأشياء اللي بتحبها وما الها تأثير سلبي عدراستك (رياضة ، قراءة كتب، رسم ، مشي، اشوف صاحبي) وعبي هاي الشغلات بين وقت دراستك وبعّد عن التلفون
والتلفون بس تخلص من جدولك وانجزت كلشي عليك امسكو وقت قليل بس
هيك ببساطة إذا مرّ اليوم وعملت اللي عليك من دراسة وعملت الشغلات اللي بتحبها
رح تشعر بالإنجاز ورح يقلل من التوتر والخوف وهيك بتقدر تحافظ ع استمرارك بالإنجاز✌🏻
- تحديد الهدف (SMART)
طيب بعد ما عرفنا تأثير المدخلات وايش هيه الأشياء اللي لازم ينبنى عليها يومي ، ضروري نعرف كيف نحدد الهدف اللي بناءً عليهرح اعرف حالي انجزت ولا لا 🤔، ببساطة الموضوع نفسي اذا حسيت حالي ماشي وبنجز اللي مطلوب مني هاض الأشي اكيدحيساعدني إني اكمل الطريق اللي انا ماشي فيه 😁💚، فعشان هيك ضروري أعرف كيف احافظ ع نفسيتي مرتاحة وأضبطهاقدر الإمكان وهون بجي وظيفة تحديد الهدف ✅.
بالنسبة ل تحديد الهدف هو بنقسم ل نوعين
١- هدف كبير (اله علاقة بالدافع) 🔥:
ليش انا بدرس ولأيش بدي أوصل ◀️ وهاض كثير ناس حكا فيه ولو حكيت مش رح اجيب فيه إشي جديد او ما حدا منتبه اله
٢- هدف صغير (اله علاقة بالنفسية) 😆:
هاض رح يكون على المستوى اليومي إيش انا بدي أنجز اليوم ، وايش هيه مخططاتي لليوم !!
عشان أعرف كيف احدد الهدف لازم أعرف ايش هيه مواصفات الهدف عشان أعرف احدد أهدافي اليومية بذكاء 🤔✅، ولحسنالحظ 🥳 مواصفاته سهل إني اتذكرها لأنها مجموعة بكلمة (SMART)
1 - Specific محدد :
ببساطة لازم يكون هدفك واضح ومحدد وما تكون ماشي بعشوائية ،
يعني غلط احكي خلص اليوم بدي اصحا الصبح بكير وادرس ومش محدد ايش ادرس واي اشي قدامي ادرسه❌ ، الصح إنه منقبل بيوم أو ببداية اليوم أحدد مادتين أو ثلاث أدرسهم وبس ✅❤️
لانه ببساطة اذا ما كنت محدد رح تحس بالشتات والضياع واثناء دراسة مادة ما رح تركز لأنه فجأة رح تتذكر مادة ثانية لازم تدرسها، واذا كنت محدد وعملت اللي عليك حتحتس بالإنجاز وحيخف التوتر
2- Measurable قابل للقياس :
بعد ما حددت ايش بدي ادرس سواء مادتين او ثلاث برضو الموضوع مش عشوائي لازم أحدد بالزبط نقطة البداية ونقطة النهايةببساطة احدد من وين لوين رح أدرس بكل مادة ✅🔥 ، يعني مثلا اليوم ناوي أدرس وحدتين عربي ودرس رياضيات وهكذا
سمعت عن تجربة عملوها على عمال بمصنع نسيت إيش هو المصنع بالزبط بس مضمونها إنه هضول العمال فتره دوامهم ٨ ساعاتوإنتاجهم خلال هاي الساعات ( س ) ف اجو حكولهم باليوم الثاني اعملوا نفس كمية مبارح اللي هيه ( س ) وبعدها بتقدروا ترجعواع بيوتكم ، وكانت النتيجة مبهرة الصراحة شغل ال٨ ساعات خلصوه بساعتين 😦، ببساطة لأنه كان واضح إيش مطلوب منهموبالتالي ركزوا على إنجاز المهمة وتم إنجازها بزمن أقل من الإعتيادي
3- Achievable قابل للتحقيق:
هون بنيجي للواقعية ونصيحتي إنه بدناش حماس زايد زي انه ااه اليوم بدرس كذا وكذا وكذا وهيك بنهاية الشهر بكون خلصت كلالمواد وراجعت 🔥❌ (إلا اذا فعلاً عندك القدرة ) ✅، أول اشي بدك تعرف قدراتك وبناء عليها تعمل اشي بناسبك ، يعني مثلاً لوكنت بتوخذ حصص وانت بتعرف حالك باليوم بتقدر تنجز بس ٥ حصص وهيك معدل انجازك الطبيعي زي فكرة عمال المصنع بالمثالاللي فوق، التزم بهاض الأشي ولا ترهق حالك 😅 صدقني كل ما ضغطت ع حالك مش رح تقدر تلتزم ، أنا مع انك تضغط عحالكشوي بحيث تطور من إنجازك بس بالشيء اليسير وبدون مبالغة ✅ زي ما قلتلك قدرتك تنجز ٥ حصص باليوم التزم فيهن أو زديهنحصة من باب انه حاب اطور انجازي ✅ .
ببساطة اختار اشي مريح إلك وقادر إنك تلتزم فيه وانه والله مستحيل يمر يومي بدون ما اكون مخلصهن وضلك زيد عليه وبعد فترهرح تلاقي اولاً فرق بإنه صرت تنجز اكثر من اول ، ثانياً رح تتفاجأ بكمية الإنجاز اللي انجزته بمجرد إنك التزمت ب اشي بسيطومريح بالنسبة الك 🔥❤️
4- Relevant ذو صله :
هاي بتفيديني إذا عندي أكثر من هدف باليوم بدي أنجزه مثلاً بدي أدرس ، وأعمل رياضية ، وعندي هواية حاب أمارسها ... هونبيجي دور إنك تحدد إيش تأثير هاي الأهداف ببعضها وانه نختار أشياء تساعدني بالألتزام وما تكون سبب الكسل ، يعني مثلاًحاب أقرأ كتاب ◀️ ف بختار مثلا كتاب قيمة الزمن عند العلماء ببساطة لأنه أفكار الكتاب رح تدفعني إنه أكمل وأعرف قيمة الوقتومش حيخليني اتكاسل اعمل الوظيفة المطلوبة مني ✅ .
(وحكيت عن هالأشي لما حكينا عن الراحة وايش بقدر اعمل بفترات الراحة )
5- Time-Bound مقيد زمنياً:
يعني ما يكون الوقت عندك مفتوح ، وهون بنرجع لموضوع العقلانية وبدناش الحماس الزايد 🙂، ببساطة حددت ٣ مواد ادرسهم اليوممجرد ما بلشت أدرس بالمادة الأولى لازم أكون حاط الها وقت معين (كافي لألها مش وقت خيالي ) بحيث اذا تجاوزته بيجي وقتالمادة الثانية ، وهون برجع وبذكر إنه يكون وقت فعلاً بكفي ومستحيل يمر بدون ما اكون منجز الاشي اللي أنا حددته ✅
😁 بالبداية رح يكون الأشي صعب إنك تعرف كم بالزبط بدك عشان تنهي على سبيل المثال ٥ صفحات بس مع الزمن والتكراروالخبرة رح تعرف إيش قدرتك ورح تقدر تعرف كم بتحتاج وقت لتنجز الأشي اللي انت حددته ❤️🔥
نصيحتي هون : رح تحدد وقت ورح تلتهي ورح يمر الوقت وأنت ما أنجزت المطلوب منك ، هون الإجراء الصح إنك تلتزم بالوقت وتتركالأشي اللي انت محدده ، وتنتقل للمادة أو الهدف اللي أنت حاطة بهاض الوقت ✅
ببساطة عشان تلزم حالك بالوقت وتعرف إنه اذا راح عليك الوقت ما بصير توخذ من وقت المادة اللي بعدها عشان تعوض انك التهيتوهيك بتمنع حالك انك تلتهي مرّة ثانية وتلتزم بالوقت ، وزي ما حكيت الموضوع ما رح يجي من أول مره بده تدريب وصبر
6️⃣ التدوين :
من أسباب الشتات وقله التركيز إنه بكون ببالك كثير أشياء وممكن تكون متذكرها وحتى لو متذكرها نفس الموضوع، وهالاشي بخليكوانت بتدرس بمادة معينه بتضل متوتر أو متشتت ومش قادر تركز وحاس في اشي لازم تعمله وممكن يخطر ببالك مادة ثانية وانتبتدرس وهكذا 😅..
فأحسن حل دفتر صغير ◀️ بتكتب عليه كل اشي انت ناوي تعمله وكل اشي متراكم وجديد وتفرغ كل الاشياء اللي بذهنك ع ورقة✅ ..
بعد ما تفرغهم بتبلش فيهم ومش شرط بالترتيب ، وأي اشي بتعمله بتشطب عليه حتى لو صفحة من أصل وحدة ✅ .
الأشي هاض انا بستفيد منه بكثير شغلات ،أول اشي بصفي ذهني من التفكير ب ايش علي دراسة وايش مش دارس ورح اركزبالمواد ، ثاني اشي بتابع تقدمي بالمواد ورح تقدر تلاحظ إنه في مادة بلشت تتراكم ف بتصير بخانة الأولويات ، ثالث إشي لمااشطب بالقائمة بعطيني شعور بالإنجاز حتى لو صفحه انا شاطب والعامل النفسي كثير مهم للتقدم والإنجاز ، ثالث اشي لما يكونفي وقت قليل سهل إنك ترجع للدفتر وتختار اشي سهل تنجزه فيه بدال ما تصير تتذكر وتضيع عليك وقت ✅
◀️ ممكن تفرغ كل إشي بسطور فوق بعض أو تعمل لكل مادة عمود وتكتب تتابع تقدمك بالمواد أول بأول ، أهم اشي يكونو كلهمعصفحة أو صفحتين مهما كان عليك دراسة أو مهام ويفضل صفحة واحدة 💚✅.
7️⃣نصائح عامّة وكيفية الإستعداد للوزارة :
ضروري أحافظ على نفسيتي لأنها عامل مهم في الإستمرار والإنجاز ، وكل ما أحس بإن هاض الاشي بلش يروح وبلش التوترضروري أجلس مع حالي واسأل حالي ايش هيه مشاكلي وأبلش أدور الها على حل ، وطبعًا ما بننسى الهدي النبوي الشريف فقدكان عليه الصلاة والسلام إذا حزبه أمر فزع إلى الصلاة 💚.. وتفكر بكلمة فزع إيش ممكن توحي إلك من معاني 🌸..
برضو ما تتعامل مع المواد كقالب واحد حاول تجزأها لأنه كثير بسبب إحباط إنك تتعامل مع المواد ككل ، وحتى أثناء دراستك الدرسقسمة أجزاء وادرسه وهاض الاشي برضو بسهل إنك تتذكر المعلومة 😄✅.
طيب بما إنه امتحانات الوزارة قربت ف عندي شويه نصائح ممكن تختصر عليكوا كثير وعفكرة شهرين مش وقت كثير وكل ما بكرتبالتجهيز للوزارة كل ما كان أحسن 💚..
كبداية بهاي الفترة رح الكل يبلش يختم مواد ويراجع من أول وجديد ويحاول يختم .. بس ضروري بهاي الفترة يكون عننا شوية ذكاءبالتعامل مع الموقف وأحسب حساب إيش رح يصير فيي ليلة الوزارة وكيف أقدر اغطي المادة قبل بيوم 🤔.. اول اشي رح نعملجدول نختم فيه المواد وبنحتاج بهاي الفترة ل دفتر وورقة لكل مادة تضل جنبنا اثناء الدراسة .. ف ايش بعمل ببلش دراسة طبيعيوبكل تركيز وبدي أحطي بحسابي إنه هاي بإعتبارها ختمه للوزارة وبعدها انا هيك مستعد للأمتحان 😥.. في طريقة وهيه كالآتيإنه كل مادة بدي أعمل إلها مغلف خاص فيها وهاض المغلف لليلة الوزارة المهم قبل الأمتحان بفتره قليله يعني ف بحط بالمغلف كلالمصادر اللي أنا ناوي ادرس فيها المادة ويكون إشي مختصر وشامل منعاً ، ممكن يكون مكثف أو دوسية أو كتاب المهم مصدرواحد وعندي القدرة أخلصه واهم اشي يكون شامل 💚.. الآن في بعض المصادر ممكن تكون شاملة بس مش بنسبة ١٠٠٪ ف هونبيجي وقت الورقة ◀️ أثناء الدراسة بدو يكون جنبي ورقة وكل فكرة بحس إنها جديدة او مش موجوده بالمصدر اللي حددته مسبقاًومهمه بكتب وين مكانها عالورقة .. ف بكتب مثلا عالورقة
كتاب -صفحة ٧٨ سؤال مهم جداً
دورة ٢٠١٧- السؤال الثاني
دوسية - صفحة ٥٠ سؤال
....وهكذا ،ضروري ما أبالغ بالتدوين واكتب بس اللي فعلاً مش مشمول باللي حددته للوزارة ولازم انه اشوفه قبل الأمتحان ، وهيكمع كل المواد وبتنحط هاي الورقة مع المصدر بالمغلف وبتتخبا للإمتحان ساعتها بتدرس مصدرك وبتشوف هاي الأسئلة ووقتها اذامعك وقت توسع ع كيفك 💚✅.
نقطة ثنين كثير ناس ببلش يختم بالمواد بس برضو خايف ينساهم ومش عارف كيف يوازن بين هاض الاشي خصوصاً انه ممكنيكون عامل جدول مدته شهر ونص او شهرين وبحس من هون لنهايه الجدول بكون ناسي اللي درسو أول اشي 😅، وهاي المشكلةحلها بسيط أولها رح نبدأ بالمواد العلمية رياضيات كيمياء أحياء انجليزي وبعدها مواد الحفظ ، ورح نعمل كالآتي مثلا خلصت كيمياءأول مادة وأنا عارف إني رح اتركها شهرين او ٣ وخايف انساها ف الحل بسيط بتبلش بجدولك طبيعي بس الكيمياء عشان ماتنساها بين كل يوم ويوم رح تحل إلك عليها امتحان وزاري هاض الأشي رح يساعدك بإدارة الوقت وبقلل من الخوف من المادة وبرضوانت ما بتترك المادة وبين كل يومين ثلاث رح تحل ع كل وحده سؤال ومن الأسئله المهمين واللي بيجو وزارة ، وبتكمل مع المواد الثانيةبنفس الصورة خلصت بعد الكيمياء رياضيات خلص بتركها وبين كل يومين او ٣ بحل امتحان وزاري .✅
أنا دايماً بأكد على ضرورة إنه تحل امتحانات وتعيش أجواء الأمتحان وتضبط وقت تحل فيه الامتحان زي كأنه امتحان عنجد ،وعشان نحقق أقصى إستفادة هون بجي دور الدفتر اللي حكيت عنه بالبداية 😎، نسيتوه بعرف مش مشكلة رح أحكيلكم عنه شوي◀️ هاض الدفتر رح يكون معنا بعد ما نحل كل إمتحان وزاري ورح نسمية دفتر الأخطاء" الفكرة من الدفتر كالآتي بعد كل إمتحانطبيعي الاقي عندي وشغلات مش منتبه الها وهكذا ، فبعمل لكل مادة عدد من الصفحات وبعد كل امتحان مثلا رياضيات بنسا أحطاشارة سالب وهاض الاشي خرب عالحل بكتب ملاحظة عالدفتر انتبه للسالب ،كيمياء مثلاً انتبه للنقطة هاي بموازنة المعادلة ، أوالسؤال كذا بالدورة كذا غلطت فيه وفيه فكره جديده مش غلط تشوفه وهكذا ✅..
هيك بتكون:
راجعت المواد✅
حليت مشكلة انه خايف تدرس ماده وتنساها✅
حليت امتحانات وزاره ودخلت بجو الامتحان وشفت طبيعه أسئلة الوزارة ✅
جهزت حالك ليله الامتحان بالمصادر اللي رح ترجع الها بالإضافة للورقة مع دفتر الأخطاء عشان تنتبه لنقاط الضعف اللي تطلع اثناءحلك للامتحانات ✅
وفقكم الله جميعاً
د. عمر النشاش 🔥✌🏻
